每次飛機降落紐西蘭嘅時候，喺機上窗口望出去綠色的確令人有即時放慢嘅感覺。
而每次飛機降落香港嘅時候，如果咁啱係夜晚，香港嘅夜景絕對係世一。
其實住喺紐西蘭咁多年，會山長水遠飛嚟探訪嘅朋友唔算多，因為山旮旯嘅關係，所以一般朋友講得最多嘅一句就係：「我唔飛過去喇，你搵啲帶啲紐西蘭好嘢返嚟啦。」呢句說話，一直銘記在心，但個人行李有上限，搵到好嘢都唔帶得多，然後當搵到更多好嘢，想畀更多人試嘅時候，就衍生咗認真搞一個品牌嘅念頭。諗個名嘅時候，毫無懸念就諗到Kiwi Goodies，好彩domain未被註冊，一切就順理成章咁開始行，亦期望可以帶大家睇到同感受更多角度嘅紐西蘭。
