正式開業一個月都未夠，突然遇到可以擺市集嘅機會，完全無經驗，零準備，由落實到開檔只係4日嘅事。加上領隊本人有啲社恐，今次要主動同顧客們近距離接觸，係一個大挑戰。幸好市集兩日都好好天，檔後嘅落地玻璃有陽光藍天白雲射住，個人無咁緊張。而且當開始提供試飲時，見到大家飲得開心同即場購買，就無咁驚青。市集嘅其他檔主亦有幫襯，而且仲交流下心得，絕對係一個非常寶貴嘅學習過程。十分感謝上個Weekend有嚟過同幫襯過嘅親朋戚友顧客團友們。
8月我哋將會衝入亞博嘅工展會購物節同會展嘅美與健博覽會，希望到時嘅流程可以更加順暢，亦期待更多嘅香港人認識Kiwi Goodies呢個品牌，試飲到獨家代理嘅Eden Orchards一系列純天然果汁，同埋接觸到紐西蘭嘅保健產品。
